В храме Святых Новомучеников и Исповедников во время богослужения произносятся великопостные молитвы, вот некоторые из них:

Молитва в конце первой части Великого повечерия Великого поста. Пресвятая Владычице Богородице, моли о нас грешных….

Пресвятая Владычице Богородице, моли о нас грешных. Вся небесныя силы Святых Ангел и Архангел, молите о нас грешных. Святый Иоанне, Пророче и Предтече, и Крестителю Господа нашего Иисуса Христа, моли о нас грешных. Святии славнии Апостоли, Пророцы и Мученицы, и вси Святии, молите о нас грешных. Преподобнии и Богоноснии отцы наши, Пастырие и Учителие вселенныя, молите о нас грешных. Святии новомученицы и исповедницы Церкве Российския, молите о нас грешных. Непобедимая и божественная сила Честнаго и Животворящаго Креста не остави нас грешных. Боже, очисти нас грешных (дважды). Боже, очисти нас грешных и помилуй нас.

Молитва Ефрема Сирина

Го́споди и Влады́ка живота́ моего́, дух пра́здности, уны́ния, любонача́лия и праздносло́вия не даждь ми. (Земной поклон)
Дух же целому́дрия, смиренному́дрия, терпе́ния и любве́ да́руй ми, рабу́ Твоему́. (Земной поклон)
Ей, Го́споди, Царю́, да́руй ми зре́ти моя́ прегреше́ния и не осужда́ти бра́та моего́, я́ко благослове́н еси́ во ве́ки веко́в. Ами́нь. (Земной поклон)
Бо́же, очи́сти мя, гре́шнаго. (12 раз, с поясными поклонами)
(Молитва читается полностью ещё раз с одним земным поклоном в конце).

Испрашивание иереем Сергием Осиповским прощения грехов у причта и народа:

«Благословите мя, отцы святии и братия, и простите ми, грешному, елика согреших в сей день и во вся дни живота моего словом, делом, помышлением и всеми моими чувствы».

Все отвечают о Сергию земным поклоном и говорят: «Бог простит тя, отче святый. Прости и нас, грешных, и благослови!